గణేష్ నవరాత్రులతో సూర్యాపేటకు ఆధ్యాత్మిక శోభ -గణేష్ నవరాత్రుల్లో ఉత్సవ కమిటీల సేవలు అభినందనీయం

సూర్యాపేట: కుల మతాలకు అతీతంగా నిర్వహించుకునే గణేష్ నవరాత్రి ఉత్సవాలతో సూర్యాపేటలో ఆధ్యాత్మిక శోభ విరాజిల్లుతోందని ఏఐసీసీ సభ్యులు రాంరెడ్డి సర్వోత్తమ్ రెడ్డి అన్నారు. మంగళవారం రాత్రి సూర్యాపేట జిల్లా కేంద్రంలోని 14వ వార్డులో కాంగ్రెస్పార్టీ వార్డు ఇంచార్జీ, జిల్లా నాయకులు పంతంగి దశరథ ఆధ్వర్యంలో ఏర్పాటుచేసిన విగ్రహం వద్ద ప్రత్యేక పూజలు నిర్వహించి అన్నదాన కార్యక్రమాన్ని ప్రారంభించి మాట్లాడారు. గణేష్ నవరాత్రులు మొదలుకొని చివరి రోజు వరకు ఉత్సవ కమిటీలు భక్తులకు అందించే సేవలు అభినందనీయమన్నారు. గణేష్ ఉత్సవాలతో ప్రతి ఒక్కరిలో భక్తి భావం పెంపొందుతుందని అన్నారు. గణేష్ విగ్రహాల వద్ద పూజలు మాత్రమే కాకుండా పేదల ఆకలి తీర్చేందుకు అన్నదానాలు చేస్తున్న ఉత్సవ కమిటీని అభినందించారు. రేపు నిర్వహించుకునే నిమజ్జోత్సవాన్ని ఉత్సవ కమిటీలు ప్రశాంత వాతావరణంలో జరుపుకోవాలని విజ్ఞప్తి చేశారు. ఈ కార్యక్రమంలో కౌన్సిలర్ కొండపల్లి దిలీప్ రెడ్డి, యూత్ కాంగ్రెస్ జిల్లా అధ్యక్షులు ఎలిమినేటి అభినయ్, శ్రీ దండు మైసమ్మ తల్లి దేవాలయ మాజీ చైర్మన్ తంగెళ్ల కర్ణాకర్ రెడ్డి, జిల్లా కాంగ్రెస్ నాయకులు నాగెల్లి అరుణ్ కుమార్, గుగులోతు నాగు నాయక్, ఉచ్చ కమిటీ సభ్యులు బత్తుల ఉమేష్, వెంకటేష్, శ్రావణ్, గోపి, చింటూ, అంజి, సైదులు, కృష్ణ తదితరులు పాల్గొన్నారు.